Vetëm një rast pozitiv me COVID-19 dhe shteti ia anulon lojën në Ligën e Kombeve/ Lojtarët shpërthejnë në kritika: Jemi të zhgënjyer dhe të shkatërruar

0
16

Ndeshja mes Kombëtares së Rumanisë dhe asaj të Norvegjisë është anuluar zyrtarisht.

Kjo për shkak se ekipi kombëtar i Norvegjisë nuk është lejuar nga shteti norvegjez të udhëtojë drejt Rumanisë.

E gjitha erdhi pasi kapiteni i Norvegjisë, Omar Elabdellaoui ka rezultuar pozitiv me Covid-19.

Edhe pse ishte paraparë që ndeshja të zhvillohet sot (e diel) në mbrëmje me fillim nga ora 20:45 në Bukuresht, ajo tanimë është anuluar zyrtarisht.

Të gjithë futbollistët dhe pjesa tjetër e stafit ishin në aeroportin e Oslos dhe gati për t’u nisur drejt Rumanisë, kur erdhi urdhri shtetëror që ata të rikthehen në hotel.

UEFA ka lajmëruar se ndeshja është anuluar dhe Kombëtarja e Rumanisë pritet t’i fitojë tri pikët në tavolinë.

Ndeshja nuk mund të shtyhet për një datë tjetër pasi nuk ka data të lira dhe kombëtarja skandinave pritet ta humbas ndeshjen në tavolinë.

Futbollistët e Norvegjisë kanë lëshuar një deklaratë të përbashkët ku kanë shprehur zhgënjimin e tyre për autoritetet shtetërore që nuk i lejuan ta luajnë ndeshjen ndaj Rumanisë.

“Ne udhëtojmë me autobusin tonë për në aeroport, kemi avionin tonë charter me vend prej 130 persona dhe do të udhëtonim vetëm 39 persona. Kundërshtari ynë ishte informuar se kemi një rast të infektimit dhe ka konfirmuar se do të luajnë në fushë duke ndjekur protokollin e UEFA-s”.

“Ne jemi të zhgënjyer që autoritet po na detyrojnë të qëndrojmë të shtëpi. Të gjitha 54 vendet e tjera të UEFA-s luajnë ndeshje ndërkombëtare këtë javë përveç Norvegjisë. Kjo është shumë shkatërruese për ambiciet e ekipit tonë kombëtar në afat të shkurtër dhe të gjatë”.

“Qëllimi ynë është të përfaqësojmë vendin tonë dhe shpresojmë që autritetet norvegjeze tv na japin dritën jeshile për të udhëtuar, kështu që ne do të vazhdojmë të jemi ambasadorë të mirë të kontrollit të infeksionit siç kemi qenë që kur shpërtheu pandemia në mars”, thuhet në deklaratën e përbashkët të futbollistëve të Kombëtares së Norvegjisë.

Norvegjia ka ndeshjen tjetër ndaj Austrisë të mërkurën, por edhe për këtë takim lojtarët e kanë të ndalur të udhëtojnë.

Gjithsesi Federata e Futbollit të Norvegjisë po bënë të pamundurën që për takimin që do të zhvillohet në Vjenë të udhëtojnë dhe të përballen në fushë me austriakët.

Burimi: Telegrafi

Leave a Reply