20.5 C
Tiranë
HomeBotaValë të çuditshme të radios po vijnë nga qendra e galaktikës tonë

Valë të çuditshme të radios po vijnë nga qendra e galaktikës tonë

Ekspertët e hapësirës kanë zbuluar radio valë të pazakonta që vijnë nga qendra e galaktikës në Rrugën e Qumështit.

Sipas CNN, sinjali i energjisë është ndryshe nga çdo fenomen i studiuar më parë dhe mund të sugjerojë një objekt yjor të panjohur më parë.

Shkëlqimi i objektit ndryshon në mënyrë dramatike dhe sinjali ndizet dhe fiket me sa duket në mënyrë të rastësishme, tha Ziteng Wang, autori kryesor i studimit të ri në “The Astrophysical Journal” dhe një student doktorature në Shkollën e Fizikës në Universitetin e Sidneit.

“Kualiteti më i çuditshëm i këtij sinjali të ri është se ka një polarizim shumë të lartë. Kjo do të thotë që drita e tij lëkundet vetëm në një drejtim, por ai drejtim rrotullohet me kalimin e kohës”, ka deklaruar ai në një njoftim për shtyp.

Objekti i paqëndrueshëm është emëruar pas koordinatave të tij në qiellin e natës: ASKAP J173608.2-321635.

Ky objekt u zbulua fillimisht gjatë një studimi të qiellit duke përdorur radio teleskopin i njohur si ASKAP.

Qëndro me ne
14,000FansLike
10,779FollowersFollow
Më të lexuarat
Të tjera

Lini një koment