20.7 C
Albania
Tue, 18 May, 2021

Si të ndaloni shqetësimin se çfarë mendojnë të tjerët për ju

Michael Gervais, psikolog, bashkëthemelues i Complete to Create

Nëse doni të jeni version më i mirë i vetes tuaj dhe të performoni në nivel të lartë, frika e opinionit të njerëzve mund t’ju lërë mbrapa.

Mendoni për kohën kur ishit tejet në ankth- le të themi para një auditori të madh, duke ngritur dorën në një mbledhje të rëndësishme apo të ecësh në një dhomë të panjohurish.

Arsyëja pse jeni ndjerë të vegjël e të frikësuar është sepse ishit të shqetësuar për mungesën e aprovimit nga shoqëria.

Frika jonë ndaj mendimeve të njerëzve të tjerë, ose FOPO siç e quaj unë, është bërë një mani irracionale dhe joproduktive në botën moderne dhe efektet e saj negative shkojnë përtej performancës.

Nëse filloni t’i kushtoni gjithnjë e më pak vëmendje asaj që ju bën të jeni JU – talentet, besimet dhe vlerat tuaja – dhe filloni të përshtateni me atë që të tjerët mund ose nuk mund të mendojnë, ju do të dëmtoni potencialin tuaj. Do të filloni të luani në terrenin e sigurt, sepse keni frikë se çfarë do të ndodhë në anën tjetër të kritikës. Do të keni frikë se do të talleni ose refuzoheni. Kur të sfidoheni, do të gjendeni përballë këndvështrimit tuaj. Ju nuk do ta ngrini dorën kur nuk mund të kontrolloni rezultatin. Ju nuk do të pretendoni promovim sepse nuk do të mendoni se jeni të kualifikuar.

Fatkeqësisht, FOPO është pjesë e gjendjes njerëzore, për sa kohë jemi duke operuar me një tru antik. Dëshira për miratim shoqëror i bëri paraardhësit tanë të kujdesshëm dhe të zgjuar; mijëra vjet më parë, nëse përgjegjësia për gjuetinë e dështuar do të binte mbi ju, vendi juaj në fis mund të kërcënohej. Dëshira për t’u përshtatur dhe frika paralizuese e të qenit i papëlqyeshëm minojnë aftësinë tonë për të ndjekur jetën që duam të krijojmë.

Kjo shpjegon, se pse duhet të stërvisim dhe të kushtëzojmë mendjen tonë. Kështu, bishti nuk tund qenin.

Nëse përjetoni FOPO, ka mënyra për të zbutur intensitetin e përgjigjeve tuaja të stresit. Sapo të jeni të vetëdijshëm për mendimet tuaja, drejtojeni veten drejt deklaratave për ndërtimin e besimit (unë jam një folës i mirë publik, kam bërë punë në mënyrë që të besoj aftësitë e mia, kam shumë gjëra të mëdha për të thënë, unë jam plotësisht i përgatitur për këtë promovim). Këto deklarata do t’ju ndihmojnë të përqendroheni më shumë në aftësitë tuaja, sesa në mendimet e të tjerëve. Merrni frymë thellë, gjithashtu. Kjo do të sinjalizojë trurin tuaj se nuk jeni në rrezik të menjëhershëm.

Por, nëse vërtet doni të pushtoni FOPO-n, do të duhet të kultivoni më shumë vetëdije. Shumica prej nesh kalon jetën përmes një sensi të përgjithshëm se kush jemi, dhe, në shumë rrethana mjafton. Ne ia dalim mbanë. Por nëse doni të jeni më të mirët, ndërsa keni më pak frikë nga mendimet e njerëzve, duhet të zhvilloni një ndjenjë më të fortë dhe shumë më të thellë se kush jeni.

Ju mund të filloni duke zhvilluar një filozofi personale – një fjalë ose frazë që shpreh bindjet dhe vlerat tuaja themelore. Filozofia personale e Pete Carroll, partneri im i biznesit dhe trajneri kryesor i Seattle Seahawks, është “gjithmonë konkurro“. Për trajnerin Carroll, të konkurrosh gjithmonë do të thotë të kalosh çdo ditë duke punuar shumë për t’u bërë më i mirë dhe për të arritur potencialin e plotë. Kjo filozofi nuk është një lakmi apo parullë; përkundrazi, është busulla e tij, duke udhëhequr veprimet, mendimet dhe vendimet e tij. Si trajner, si baba, shok, në çdo fushë të jetës.

Kur shfaqeni me një filozofi personale, bëjini vetes disa pyetje:

“Kur jam në gjendjen time më të mirë, cilat besime qëndrojnë nën sipërfaqen e mendimeve dhe veprimeve të mia?

“Kush janë njerëzit që demonstrojnë karakteristika dhe cilësi që janë në përputhje me të miat?”

“Cilat janë ato cilësi?”

“Cilat janë vlerësimet tuaja të preferuara? Fjalët tuaja të preferuara?”

Pasi t’u përgjigjeni këtyre pyetjeve, rrethoni fjalët që ju përshtaten dhe kryqëzoni ato që nuk qëndrojnë. Pasi të keni studiuar atë që ka mbetur, përpiquni të gjeni një frazë ose fjali që radhitet saktësisht se kush jeni dhe si doni të jetoni jetën tuaj. Ndani draftin me një të dashur, kërkoni ndihmë dhe rregulloni filozofinë tuaj nga ky këndvështrim. Pastaj bëjeni atë pjesë të kujtesës dhe kthehuni tek ajo çdo ditë.

Krijimi i një filozofie personale mund të jetë një ushtrim i fuqishëm që të hap sytë. Kur trajtoj ekipe drejtuesish, shpesh u kërkoj atyre të shkruajnë filozofinë e tyre personale dhe ta ndajnë atë me grupin. Unë kurrë nuk do ta harroj kohën kur një ekzekutiv i lartë i mrekulloi të gjithë në dhomë. Ndërsa lotët i rridhnin në sy, ai drejtoi shpinën, mbajti kokën lart dhe tha: “Filozofia ime është të ec i denjë”. Ai u tha kolegëve se, prindërit e tij ishin emigrantë që kishin këmbëngulur dhe sakrifikuar për të siguruar që ai të kishte mundësi më të mira. Për shkak të punës së madhe dhe sakrificës së prindërve të tij, ai e konsideroi si detyrë të tij të jetonte jetën si krenaria e familjes. Çdo ditë, ai përpiqet të jetë i denjë për veprat e tyre të mira dhe të jetë një model i shkëlqyer për brezin tjetër.

Nuk e mbivlerësoj kur them se sa e rëndësishme është një filozofi personale. Duke punuar me lojtarë dhe trajnerë të NFL, atletë të sporteve ekstreme dhe drejtues të lartë në kompanitë Fortune 50, kam vërejtur se, përtej një ndjekje të pamëshirshme për të qenë më të mirët e tyre, ajo që i bën këta performues të lartë të shkëlqyeshëm është kuptimi i tyre i qartë i parimeve që i drejtojnë. Për shkak të qartësisë së tyre, ata janë më të gatshëm të shtyjnë veten, të mësojnë më shumë dhe të përqafojnë sfida. Ata mund të mbyllin zhurmën dhe mendimet e tifozëve dhe mediave dhe të dëgjojnë busullën e tyre të brendshme të kalibruar.

Pasi të keni zhvilluar filozofinë tuaj personale, angazhohuni që të jetoni në përputhje me parimet e saj. Filloni në shtëpi. Thuaji atij personi që e do. Vallëzoni në një dasmë. Merrni rreziqe. Jini respektueshëm të çuditshëm. (Kjo ndoshta do të thotë, të jeni ju.) Pastaj provojeni në punë. Bëni një prezantim. Apliko për promovimin. Bëni gjëra që sjellin mendimet e të tjerëve. Kur të ndjeni fuqinë e FOPO që ju tërheq mbrapa, thjesht njiheni atë dhe rilidhuni me filozofinë tuaj dhe objektivin më të madh në dorë.

Duke ecur përpara, merrni përshtypje nga një listë e shkurtër e njerëzve që kanë rëndësi për ju. Reflektimi i sinqertë është një përbërës jetik i zotërimit. Gjatë një episodi të podkastit tim, “Gjetja e mjeshtërisë”, Brené Broën, një studiues i njohur dhe autor i Dare to Lead, sugjeroi që emrat e atyre njerëzve të vendoseshin në një kartë. Shtoj një kusht të dytë. Personat në kartën tuaj duhet të kenë një kuptim të shkëlqyeshëm të personit që jeni dhe personit që po punoni të bëheni. Mbajini shumë mirë pikëpamjet e tyre, duke lënë që zhurma nga turma të zbehet. Kalibroni reagimet e tyre me përvojën tuaj.

Mbi të gjitha, mos harroni se rritja dhe të mësuarit ndodhin kur jeni duke operuar në skaj të kapacitetit tuaj. Ashtu si të hidhni në erë një tullumbace gati të fryrë, të jetoni në përputhje me filozofinë tuaj personale do të kërkojë më shumë përpjekje dhe fuqi, por, rezultati, që është të shprehni në mënyrë autentike dhe artistike kush jeni, do t’ju shtyjë të jetoni dhe të punoni me më shumë qëllim dhe kuptim.

Burimi: businessmag.al

Artikuj të ngjashëm

Lini një përgjigje

Qëndro i lidhur

11,015FansaPëlqeje
10,700NdjekësitNdiq
- Advertisement -

Artikujt e fundit