22.7 C
Albania
Thu, 5 August, 2021

Shembet një ndërtesë 12-katëshe në Miami/ Dyshohet për viktima

Një ndërtesë 12 katëshe në Miami të Floridas është shembur pjesërisht, duke shkaktuar disa të lënduar, ndërsa mediat e huaja raportojnë se dyshimet e para janë që të ketë edhe viktima.

Sipas BBC, një operacion i madh shpëtimi është duke u zhvilluar në Miami-Dade County, Florida, pasi një ndërtesë 12-katëshe u shemb pjesërisht gjatë natës.

Kjo që shihni më lart është foto e ndërtesës së shembur që Policia e Miami postoi në Twitter.

Në vendin e ngjarjes raportohet se janë 80 automjete të ekipeve të shpëtimit. Policia gjithashtu po ndihmon në operacionin e shpëtimit me ekipet e zjarrfikëses.

Ndërsa ende nuk ka asnjë deklaratë zyrtare se sa njerëz janë lënduar, një zjarrfikës në vendin e ngjarjes është dëgjuara duke thënë se kishte shumë viktima, raporton “Miami Herald”.

Sipas një raporti të ABC News, të paktën tetë persona u dërguan në spital.

Një reporter i Associated Press shkroi në Twitter se, sipas burimeve të tij, një grua kishte vdekur dhe një djalë i moshës rreth 10 vjeç ishte shpëtuar.

Artikuj të ngjashëm

Lini një përgjigje

Qëndro i lidhur

11,003FansaPëlqeje
10,700NdjekësitNdiq
- Advertisement -

Artikujt e fundit