Orare të reja kufizimi nga 24 Dhjetori/ Masat për ndalimin e përhapjes së infektimit

0
30
kufizimet

Ministrja Ogerta Manastirliu njoftoi këtë të hënë masat e reja para festave të fundvitit. Kështu, duke filluar nga data 24 Dhjetor deri në datën 4 Janar, do të ndalohet lëvizja duke nisur prej orës 20:30 të mbrëmjes deri në 06:00 të mëngjesit.

“Duke qenë se kemi hyrë në një periudhë të festave, bazuar në vlerësimin e riskut që sjellin grumbullimet dhe shtimi i kontakteve, pas kësaj analize të situatës kemi marrë disa vendime.

Kemi vendosur:

– Kufizimin e lëvizjes së popullatës nga ora 20:30 deri në orën 06:00 të mëngjesit, duke filluar nga data 24 Dhjetor deri në datën 4 Janar. Përjashtim nga ky rregull bëhet për personat që duhet të lëvizin për emergjenca shëndetësore, motive pune apo nevoja të domosdoshme.
– Personat që lëvizin për arsye pune apo arsye të domosdoshme pajisen me autorizim përmes portalit e-albania.
– Prej datës 5 Janar kufizimi i lëvizjes rikthehet në orën 22:00, sipas specifikave që tashmë të gjithë i njohim.
– Po ashtu, kemi marrë vendim: kufizimin e aktivitetit të bareve dhe restoranteve, fast food, lokale, që ofrojnë shërbim për klientët nga ora 20:30 deri në orën 06:00, duke filluar nga data 24 Dhjetor deri në datën 4 Janar, duke përjashtuar shërbimin në banesë, pra atë delivery.
– Prej datës 5 Janar kufizimi i aktiviteteve të bareve dhe restoranteve rikthehet në orën 22:00.
– Po ashtu rekomandojmë të gjithë qytetarët të shmangin udhëtimet jo thelbësore si dhe aktivitetet jo thelbësore”.

Pas shfaqjes së variantit të ri të koronavirusit në Angli, Shqipëri ka vendosur anulimin e fluturimeve drejt saj.

Për këdo që vjen nga ky vend duhet të karanitnohet 14 ditë.

“Nisur nga rekomandime e vendosura për të kufizuar rriskun e përhapjes pezullimin e fluturimeve me Britaninë e Madhe, duke filluar nga ora 06:00 e ditës së martë, date 22 Dhjetor, deri në datë 06 Janar. Po ashtu vendoset masa e karantinës së detyrueshme 14 ditore për qytetarët që hyjnë nga Britania përmes rrugëve të tjera. Vendosja e izolimit të detyrueshëm 14 ditor vjen si një masë paraprake, për të shmangur këtë infeksion apo mutacion të ri të Sars-Covi2. “.

Ministrja e Shëndetësisë Ogerta Manastirliu deklaroi se të gjitha këto masa do të rivlerësohen në mënyrë dinamike.

“Pra, nëse do të jetë e nevojshme dhe do të rivlerësohet situata ashtu sikurse është bërë deri më sot, do të merren masa të reja, apo do të rivlerësohen ato ekzistuese. Gjithmonë me synim për mbrojtjen e shëndetit të popullatës”.

Burimi: Monitor

Lini një përgjigje