25.7 C
Albania
Fri, 23 July, 2021

“Mezi po flas për shkak të erës”/ Gazetarja rrëfen situatën e rëndë me plehrat në Durrës: Kamionë me mbetjet në Shkozet, banorët në protestë

Një situatë e pazakontë e dramatike me mbeturinat në Durrës që vë në rrezik gjithë sezonin turistik dhe mund të ketë pasoja të rënda për shëndetin e popullatës.

Gazetarja Klodjana Haxhiaj që ka raportuar për “BalkanWeb” këto ditë mbi situatën e krijuar ka qenë sot në Shkozet, ku mbrëmjen e kaluar janë transportuar tonelata me plehra. Në vështirësi serioze gjatë raportimit për shkak të erës së rëndë, ajo tha se kjo është një zgjidhje emergjente e momentit nga ana e bashkisë së Durrësit, teksa jetesa në këtë zonë është bërë e padurueshme dhe banorët janë çuar në protestë.

“Ndodhem në lagjen 14 në Shkozet të Durrësit, në vendin ku deri para pak ditësh ndodheshin qentë rrugaçë. Ditët e fundit po shërben si vendgrumbullim i mbetjeve urbane. Mbledhja e tyre ka bërë që banorët e Shkozetit të hidhen në protestë. Mezi flas për shkak të erës së rëndë që lëshojnë plehrat e dekompozuara nën temperaturat e larta.

Është e padurueshme jetesa në këtë lagje, ndërkohë që kjo është një zgjidhje emergjente e momentit që mundi të bëjë bashkia e Durrësit, pasi prej 6 ditësh plehrat mbetën rrugëve, duke mbushur trotuaret. Bashkia e Durrësit ka kërkuar ndihmë nga bashkitë e tjera. Gjatë natës së kaluar një duzinë kamionë janë dërguar në bashki të tjera në veri për t’u menaxhuar.
Kreu i PD Durrës Ferdinand Xhaferri ka qenë pak minuta më parë dhe ka folur me banorët.
I gjithë sezoni turistik i rrezikuar. Pas mbylljes së vendgrumbullimit të plehrave në Porto Romano, bashkisë nuk iu dha mundësi për vendgrumbullimin e tyre”, raportoi Haxhiaj.

Burimi: Balkanweb

Artikuj të ngjashëm

Lini një përgjigje

Qëndro i lidhur

11,003FansaPëlqeje
10,700NdjekësitNdiq
- Advertisement -

Artikujt e fundit