31.7 C
Albania
Sun, 20 June, 2021

Krimi që tronditi Shkodrën/ Erdhi të takonte vëllain e alkoolizuar, si përfundoi në tragjedi udhëtimi i fundit i viktimës

Pak para mesnatës së kaluar, Shkodra u trondit nga një ngjarje e rëndë që dyshohet të jetë krim në familje.

Një 55-vjeçar, i identifikuar si Fabian Vuka ka marrë jetën e motrës së tij, Diana Vukaj, e cila kishte disa ditë që ishte kthyer nga Gjermania, ku edhe jetonte.

Ajo kthehej herë pas here për të takuar vëllain, por udhëtimi i saj para 3 ditësh ishte i fundit. Shefi i Komisaritatit Shkodër, Paulin Çupi ka dhënë detajet e ngjarjes së rëndë duke thënë se viktima u gjet e pajetë në krevatin e saj, ndërsa autorin e dyshuar e arrestuan pranë banesës.

 “Rreth orës 22:30 të natës së sotme, është marrë një telefonatë që Diana Vukaj ka dy ditë që ka humbur kontaktet me të afërmit e saj. Verifikimi i parë u bë në banesën e saj, ku u gjet e pajetë, rreth 60 vjece.

Është ushtruar kontroll në territorin e shtëpisë dhe rrethinat, ku është ndaluar vëllai i saj, rreth 56 vjec. Mendohet se kemi të bëjmë me krim brenda familjes. Ngjarja është e rëndë, po kryhen veprimet proceduriale. Diana Vukaj ka qenë në Gjermani dhe prej 3-4 ditësh ishte kthyer në banesë. Vrasja është kryer me armë zjarri, janë siguruar një pjesë e mirë e provave dhe po punojmë sërish për të marrë informacion.

Kufoma ndodhej brenda në banesë, brenda në dhomën e saj. Autori i dyshuar është në kushte depresioni, në gjendjen e alkoolit”, tha Çupi.

Burimi: TCH

Artikulli i mëparshëmSi sot 7 Qershor!
Artikulli tjetërHoroskopi javor 7 – 14 qershor!

Artikuj të ngjashëm

Lini një përgjigje

Qëndro i lidhur

11,003FansaPëlqeje
10,700NdjekësitNdiq
- Advertisement -

Artikujt e fundit