19.7 C
Albania
Sat, 19 June, 2021

Europa përjetoi vjeshtën më të ngrohtë në histori!

Kufizimet për qarkullimin e njerëzve për shkak të pandemisë nuk ngadalësuan efektet e ndryshimeve klimatike.Bota përjetoi nëntorin më të nxehtë në histori këtë vit, ndërsa Europa pati vjeshtën më të ngrohtë të regjistruar ndonjëherë.Raportimi alarmues vjen nga Shërbimi i Bashkimit Europian për ndryshimet klimatike, Copernicus.

Temperaturat ishin tepër të larta në shumë zona të europës veriore, Siberi dhe Oqeanin Arktik, ku deti i ngrirë ishte në nivelin e dytë më të ulët të regjistruar ndonjëherë në muajin nëntor.Shtetet e Bashkuara, Amerika Jugore, Anktarktika lindore dhe Australia përjetuan gjithashtu temperatura sipër mesatares.

Globalisht, nëntori ishte rreth 0.8 gradë celcius më i lartë se mesatarja pas viteve ‘80.Ky i nxehtë i pazakontë erdhi pavarësisht aktivizimit të fenomenit të njohur si “La Nina”, efektet ftohëse të së cilit janë ende të lehta.Të dhëna te “Copernicus” tregojnë se 2020 mund të jetë viti më i nxehtë i regjistruar ndonjëherë dhe mund të tejkalojë temperaturat e shënuara në vitin 2016, që mban titullin si viti më i nxehtë në histori.

Artikuj të ngjashëm

Lini një përgjigje

Qëndro i lidhur

11,003FansaPëlqeje
10,700NdjekësitNdiq
- Advertisement -

Artikujt e fundit