30.7 C
Albania
Sun, 20 June, 2021

“Benz”-i doli nga rruga dhe aksidentoi 24-vjeçaren në trotuar/ Arrestohet i riu Jehon Breçani

Është arrestuar sot Jehon Breçani, djali i ish-zv/drejtorit të policisë që aksidentoi dje me makinën e tij tip “Benz” një 24-vjeçare në Tiranë.

“J. B., 19 vjeç, pasi ditën e djeshme në rrugën “Xhanfize Keko”, ka aksidentuar këmbësoren shtetasen Xh. G., 24 vjeçe, e cila ndodhet në spital, nën kujdesin e mjekëve; Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme”, njofton policia.

Aksidenti ndodhi rreth orës 19:15, ku dyshohet se për shkak të shpejtësisë tej normave të lejuara, por edhe lagështirës makina humbi kontrollin dhe përplasi të renë dhe një pemë buzë rrugës.

Përplasja ka qenë e fortë, çka bëri që 24-vjeçarja që ishe shtatzënë të pësojë dëmtime të rënda në gjymtyrë. Ajo është dërguar menjëherë në spitalin e Traumës, ku ndodhet nën kujdesin e mjekëve, por gjendja e saj vazhdon të jetë e rënduar.

Artikuj të ngjashëm

Lini një përgjigje

Qëndro i lidhur

11,003FansaPëlqeje
10,700NdjekësitNdiq
- Advertisement -

Artikujt e fundit